На Словакії і далше буде здобывати ся дерево в множествах, котры суть потребны про утримательность і здоровый стан лісів. Продавати ся буде двома способами, і то локалным спрацователям в окрузі 50 км од народного парку або в меджінародній авкції, де може дати пропозіцію каждый і вырішыть найвысша сума. На соціалній сіті о тім інформовав міністер жывотного оточіня Томаш Тараба. За словами міністра Словакія і ціла середня Европа має надмірне множество дерева і є цалком нормалне, же дерево, котре на має капаціту быти оброблене на нашій теріторії, іде на експорт, покля не має быти зничене. Робота з деревом в народных парках є подля нього транспарентна і на основі конкурзів, дерево є евідоване. Шеф енвірорезорту єдночасно їднать о довгодобім контракті і співпраці з ключовым словацькым подником, котрый бы знав куповати малоякостне дерево, котре днесь гниє в лісах. Народны паркы бы з того мали довгодобы фінанчны бенефіты, твердить міністер.

(Медвідь, TASR)