Презідент СР Петер Пелеґріні заблагожелав польскій голові штату Каролові Навроцькому ку наступу до функції. Зажелав му велё здравя, одгодланя і успіхів коло наповняня мандату. Декларовав тыж приготовленость розвивати і посилнёвати словацько-польскы білатералны одношіня. Потвердив му і позваня на офіціалну навщіву Словеньска. TASR о тім інфомровали з одбору комунікації Канцеларнї презідента СР. ,,Вірю, же одношіня меджі Словеньском і Польщов будуть надале надштандардны а же в ключовых вопросах, котры суть повязаны з дінамічныма змінамі в реґіонї і у світї, все найдеме консензус,” познаменав Пелеґріні. Вірить, же выужыють вшыткы можности, котры нукать кооперація меджі Словеньском і Польщов.

(TASR, Шутіова)