Башню Санктуаріа Найсвятішого Тіла і Крові в Стропкові хоче місто зробити доступнов про общность в тім року. За словами пріматора міста Ондреа Брендзу є храм найстаршым будинком в шырокій околиці, котрый ся захранив зо стропковского граду. Як далі повів пріматор міста Ондрей Брендза, „хочеме вецей дати до відома град, котрый заникнув в 1814-ім року. Вшытко тото входить нам до нашых кроків, реконштрукція опевніня, каштеля, приправуєме проєкт з україньскым партнером і до того входить і реалізація доступности башні. Є то здружена інвестиція, 80.000 евр є з містьского бютжету, 60.000 евр є дотація про церьков з Уряду влады СР. Є то така сполочна інвестиція, котру реалізує місто і рімско-католицька церьков.“ (TASR, Pkf)