До кінця апріля 2020-го року бы в рамках Словацькой бібліотекы про невидячіх Матєя Гребенды в Левочі мало выникнути шпеціалізоване працовиско, котре бы ся старало о розвиток Брейлового писма одповідаючого актуалным штандартам, знаням і технолоґічному проґресу. Міністерство културы пропонує зрядити Словацьку авторіту про Брейлово писмо як нове орґанізачне одділіня бібліотекы. В пропозіції, котру в понедільок зарадили до меджірезортного припомінкового процесу, резорт пише, же на зряджіня і ход працовиска буде треба додаточно выділити в тогорічнім бюджеті 183 000 евр.

(Медвідь, TASR)