В ґрекокатолицькім Катедралнім соборі св. Йоана Крестителя в Пряшові собі вчера архієрейсков літурґійов, котру одправляв владыка Йоан Бабяк, архієпіскоп пряшівскый і метрополіта, припомянули 30 років од рукоположіня на єпіскопа владыкы Йоана Гіркы. Ґрекокатолицьку церьков в Чехословакії тым по 40-ох роках од насилного зрушіня і 22-ох роках од обновліня зачав рядити єпіскоп – єпарха. Йоан Гірка ся пустив до повного обновліня церькви а окрім іншого дав першы позволіня на хоснованя русиньскых літурґічных тлумачінь евангелій і апостолів, а іщі перед кодіфікаційов языка позволив печатати катехізм про русиньскы діти.

(Медвідь)