Польща планує запровадити карантену про дакотрых приходячіх з країн, де нашли коронавірусову варіанту омікрон, інформовав у понедільок міністер здравотництва Адам Нєдзєльскый. Цітовала го польска пресаґентура PAP. Міністер повів, же выняток з карантенных правил дістануть тоты, котры суть повно вакцінованы або были на тестованя на коронавірус. Додав, же влада робить на детайлнім списку країн, на котры буде одностити ся карантена. Шеф резорту здравотництва про пріватне Radio Plus повів, же Польща є в „тяжкій сітуації“, коли суть проповнены шпыталі, рушать ся місця про штандардне лічіня і мінять ся на ковідовы ліжка.

(Медвідь, TASR)