Латвійскый міністер обороны Артіс Пабрікс в понедільок выголосив, же Латвія потребує постоянну воєньску присутность Споєных штатів, жебы знеохотити Росію, а так само хоче посилнити свою оборону америцькыма ракетами Patriot. Пабрікс то повів почас навщівы ґенералного секретаря НАТО Єнса Столетенберґа в тій країні. Інформовала о тім аґентура Reuters, подля котрой Аліанцію знепокоює посилньованя присутности російской армії на україньскых граніцях. Днесь і зарань в латвійскій столиці Ріґа проходить стріча шефів діпломацій членськых держав НАТО. На стрічу вчера пришов і америцькый міністер загранічных діл Антоні Блінкен.

(Медвідь, TASR)