До літа будучого рока бы міг быти зволеный новый поліцайный презідент. По одобріню новелы закона о Поліцайнім корпусі СР то вчера увела міністерка внутра Деніса Сакова. Закон буде діяти од 1. фебруара і такым способом бы ся нова вольба за словами міністеркы могла зреалізувати в літі. То, ці буде актуалный поліцайный презідент Мілан Лучанскый знова кандідовати на тоту функцію, є за словами Саковой його особне рішеня. Як далі повіла міністерка, „є в корпусі 28 років і думам собі, же часто такы люде при такім чіслі выслуговых років зважують, ці суть охочі і ці суть на то сучі, што ся тыкать фізічных і псіхічных сил, справити ся з данов функційов.“