x

Презідент вірить, же дахто до Марракеша піде

00

Презідент Словакії Андрей Кіска вірить, же влада дакого повірить заступаньом Словацькой републікы на міґрачній конферецнії в Марракеші. Повів то в понедільок в Кошыцях. Подля Кіскы бы могло іти о словацького амбасадора. „Єм согласный з міністром загранічных діл як і з веце політічныма партіями вкючно коалічной Most-Híd, же дахто із Словакії бы істо нашу державу на саміті в Марракеші мав репрезентовати. Не знам собі представити, жебы наприклад на саміті Европской унії їднало ся о міґрації і лем зато, же є то тема міґрації, нихто зо Словакії бы не брав участь. Вірю, же влада прийме рішіня, котрым повірить дакого, стачіть нашого амбасадора, жебы ішов і повів нашы погляды, што собі о пакті думаме і што на нім крітікуєме,“ повів Кіска. Словакія подля презідента не може быти модернов державов, покля ся не буде выражати ку важным темам. Презідентови є так само жаль, же тема міґрації з боку многых політіків выкликує волны популізма.
(Медвідь, TASR)