Жертвы другой світовой войны з нагоды 78. выроча Карпатско-дуклянькой операції (KDO) і дня героїв собі днесь при памятнику на Дуклі почестовали заступцове штатной справы, самосправы, як і участників протифашістичного одбоя і шырока верейность. На пєтній споминці на Дуклі собі події з перед 78 років припомянули і положіньом вінців к сохі армадного ґенерала Людвіка Свободы і памятнику совїтьской армады у Свіднику.  
KDO была найвекшов і найкровавішов битвов лінії выходного фронту повязанов з теріторійов Словакії. Войска Червеной армады і Першого чеськословеньского армадного збору в часі ньой наразили на твердый одпор німецькых часті. Уточна операція, котра мала споїти повсталецькы силы SNP зо совїтьскыма войсками, тырвала од 8-го септембра 1944-го року до 28-го октобра 1944-го року. (TASR, Пкф)