Председа мадярьской влады Віктор Орбан по выголошіню офіціалных резултатів волеб російского презідента послав лист Володимирови Путїнови, жебы му благожелав ку зновузволїню. Орбан выразив радiсть з того, же кооперація меджі Мадярьском і Росіёв є заложена на взаємнім решпектї, што доволює діскутовати о важных вопросах і в сучасній, барз тяжкій ґеополітічній сітуації. ,,Мадярьско є на странї міру. Сьме пересвідчены, же утримованя діалоґу є основным условіём што найскорішого настолїня міру,“ написав мадярьскый премєр, котрый убезпечів російского презідента, же Мадярьско є приготовлене зінтензівнити кооперацію з Росіёв в областях, котры непідлїгають меджінародным правным обмеджіням.

(TASR, Шутіова)