В братіславскім готелі Борік ся у четверь (5.9.2019)  одбыло 34-те засіданя Выбору про народностны меншыны і етнічны ґрупы Рады влады Словацькой републікы про людьскы права, народностны меншыны і родову рівность. В проґрамі засіданя выбору, окрем інформацій о діялности Рады влады і оцінкы роботы выбору за попередні два рокы, были інформації о повніню Акчных планів, котры ся дотуляють прав народностных меншын, як і інформації о процесі приготовліня Списованя жытельства, котре ся одбуде в 2021-ім році. Членами Выбору за русиньску народностну меншыну были Петро Медвідь і Мілан Піліп.

(А. Кузмякова)