x

Манафорта обвиненый із спрісаганя проти Споєным штатам

00

В кавзі можного перепоїня меджі волебным штабом Доналда Трампа і Російов впали вчера першы обвініня. Америцькый презідент на них такой потім реаґував а то посередництвом одмітавого выголошіня на соціалній сіті Твіттер с тым, же меджі його передволебнов кампаньов і Російов “тайный договор“ небыв. “Пробачте , але тото было рокы перед тым, як быв Пол Манафорт частьов Трамповой кампані,“ одказав вчера Трамп по обжалобі шефа свойой волебной кампані Манафорта із спрісаганя проти Споєным штатам, праня нечістых пінязі і іншых трестных чінів. Федералный уряд про вышетрованя довгодобо вышетрує Манафорта за його обходы на Україні і роботу про його бывалого презідента Віктора Януковіча. Шпеціалный вышетрователь тыж перевірює Манафортову задачу в припаді російсского засягуваня до волеб в Споєных штатах америцькых в 2016 року і можливу коншпірацію с Трамповыма сполупрацовниками. Манафорт якенебуть обвинїня поперать.
(Петро Кімак-Фейко)