x

Депутаты далше їднають о 500-евровых поуказах

00

В Народній раді Словацькой републікы днесь продовжують в діскусії о поуказах в сумі 500 евр за щіпіня про людей над 60 років. Жытелі Словакії старшы як 60 років бы подля пропозіції закона о дакотрых вынятковых кроках у фінанчній области в повязаню із шыріньом хвороты COVID-19 за щіпіня мали дістати поуказы зо сумов 500 евр. Тоты бы мали схосновати в готелах, пензіонах, рештавраціях і кавярнях, але і на културны події ці выбраны службы. Новела закона, о котрій ся їднать в скороченім леґіслатівнім процесі, є актуално в першім чітаню. Пополідне мають депутаты на проґрамі і дві міморядны засіданя, котры ініціовала опозіція. Буде ся бісідовати о „катастрофалнім стані здравотництва“, огрожіню публічного здравя і соціалных ефектах великого роснутя цін енерґій і основных потравин.

(Медвідь, TASR)