Посланці Долной снімовні брітаньского парламенту ани на другу пробу неодобрили вчера договор о одході Британії з Европской унії (EÚ), котру досягла влада премьєркы Терезы Мейовой. Інформувала о тім  BBC. За догоду голосувало 242 посланців Долной снімовні  британьского парламенту против їх было 391. В януарьовім голосуваню договор підпорило 202 посланців і 432 было против. Днесь будуть посланці Долной снімовні голосувати о одході Британії з EÚ без догоды, котра шак за словами позорователів тыж небуде успішне. В такім припаді бы мав парламент завтра голосувати о продовженім терміні одходу з Унії. В припаді, же посланці тоту пропозицію одобрять, буде мусіти премьєрка о його одобріня пожадати  EÚ. (TASR, Pkf)