Евакуацію приближно сто особ собі выжадав пожар, котрый выпукнув в середу пополідне в технічній будові пражського Музею Кампа. Умелецькы збіркы той ґалерії, котры ся находили у бочній будові пожар прямо не огрозив а не было треба їх переміщовати, увів портал Novinky.cz. Председа справной рады музею Їжі Поспішіл в Чеській телевізії упреснив, же горити зачали кліматізачны єдноткы і технічне заземя. Пожар выпукнув по тім, як єден з робітників зваряв панты, од чого ся хопило обложіня містности. З просторів были вынешены і тлаковы фляшкы, жебы ся забранило выбуху. Шкоды на будові ся одгадують на десяткы міліонів чеськых корун.

(TASR, Шутіова)