Окремый высланець Споєных штатів про Северну Корею Стефен Біеґун в понедільок повів, же США не приступлять на поступне нуклеарне одзброїня той державы. Цільом є цілкова денуклеарізація Корейского півострова до кінця першого функчного періоду америцького презідента Доналда Трампа. Інформовала о тім аґентура AFP. Наперек тому, же Трампова адміністратіва не є в тій справі вязана жадным гармоноґрамом, Білый дім хоче досягнути цілкову і овірительну денуклеарізацію до януара 2021-го року, коли кінчіть мандат презідента Трампа.

(Медвідь, TASR)