x

Булгарія має іншу позіцію ку перероздільованю еврофондів як Мадярьско

00

Позіція Булгарії односно перероздільованя фондів Европской унії є дакус інша од мадярьской позіції, но Софія так само твердить, же вырішовати о фінанціях ся має на основі обєктівных крітерій. Повіла то в понедільок в Будапешту булгарьска міністерка загранічных діл Єкатерина Захарьєвова по стрічі зо шефом мадярьской діпломації Петром Сіярто. Мадярьскый міністер подля аґентуры MTI на марґо діскусії в рамках Унії о дотримованю прінціпів правной державы і намагы Бруселу спаяти тот вопрос з роздільованьом фондів выразив погляд, же правны процесы односно дакотрых членьскых держав в тій области не мають нич довєдна з реалітов. Міністры были згодны у вопросі потребы розшырьованя Европской унії, причім обидві країны бы хотіли видіти штонайскоріше інтеґрацію западного Балкану.

(Медвідь, TASR)