В Катедралнім соборі святого Йоана Крестителя в Пряшові одбыв ся в понедільок 17-го юла архієпархіалный одпуст з нагоды праздника блаженого священомученика Павла Петра Ґойдіча. Головным служытельом архієрейской літурґії в церьковнославяньскім языку быв владыка Мілан Лах, помічный єпіскоп Братіславской єпархії, з ним служыв владыка Петро Руснак, апостольскый адміністратор Пряшівской архієпархії а єдночасно братіславскый єпарха, і владыка Мілан Хаутур, емерітный кошыцькый єпарха. Участь брало понад 60 священиків і трьоми діаконы. В рамках Божеской літурґії быв установленый новый архімандріта в Пряшівскій архієпархії, котрым став отець Марко Дурлак. Тото менованя му уділив владыка Петро Руснак за його довгорічны священьскы намагы і заслугы в службі Ґрекокатолицькій церькви на Словакії і в загранічу, но і як прояв вдякы за його вірность.

(Медвідь, ISPA)