Представителі блоку хрістіаньскых партій CDU/CSU і Соціалнодемократічной партії Німецька (SPD) в понедільок в Берліні підписали коалічный договор. Лідеры партій так подля аґентуры DPA одкрыли путь про наступліня новой влады під веджіньом Фрідріха Мерца з CDU. Лідеры SPD, CDU і CSU підписали 144-сторінковый коалічный договор з назвов Одповідность за Німецько, котрый встановлює проґрам новой влады і управлює розділіня міністерьскых посад. На створіню коаліції доїднали ся 9-го апріля, майже сім тыжднів по передчасных парламентных вольбах, в котрых выграв блок CDU/CSU. Мерц, котрый бы мав быти зволеный в парламенті за канцеларя, приобіцяв при підписі „силне, продумане і сполягливе владнутя“. Но лідер хрістіаньскых демократів Мерц днесь не быв успішный в першім колі голосованя в Бундестаґу, котрый го мав потвердити за канцеларя. Дістав 310 голосів, до зволіня му браковало 6 голосів.

(Медвідь, TASR)