Кардиналы з цілого світа ся днесь зышли в Базіліці святого Петра у Ватікані на послідній службі Божій перед конклаве, котре ся зачне по службі Божій і зволить наступника по небіжчіку папі Франціску. Службу Божу „Pro Eligendo Romano Pontifice“ („За вольбу римського папы“) целебрує декан кардинальского колеґія Джованні Баттіста Ре. Інформовала о тім аґентура AFP. Справодайскый інтернетовый сайт Vatican News увів, же на вольбі папы в Сікстінській каплиці буде брати участь 133 кардиналів-волителів зо 70 країн світа, причім 108 з них призначів небіжчік папа Франціск. (TASR, Pkf)