Словацька република при різіковім польскім мясі робить вшытко, што є в єй силах. Увела то по вчерайшім засіданю выняткового Выбору Народной рады СР про землегосподарьство і жывотне  оточіня шефка Міністерства землегосподарьства і розвоя реґіону СР Ґабрєла Матечна. Як далі повіла, „СР робить, што є в єй силах. Докінця сьме были тоты, котры сьме по 12 годинах без того, абы была кавза опублікована в европскім сістемі варованя, пожадали польскый бік, абы так уробили і цехы, де ся мясо з інкрімінованого бітунку достало, были наголошены. Реалізуєме вышткы тіпы контроль, контролі на дорогах ці контролі взаряджінях. Робиме і лабораторны вышетріня.“