Покы в римокатолицькій церькви ся час  посту перед Великодньом зачне аж Попілцьовов середов, про ґрекокатоликів візантійского обряду є уж днешній понедільок першым дньом Великого 40-дньового посту перед Пасхов – Святой штиридцятніці. Літурґія посту в ґрекокатолицькій церькви готує на славіня пасхалных тайн єднако катехуменів, то значіть оголошеных чекателів на хрест, за котрым в літурґії проходять окремы молитвы ведучі віруючіх до покаяня. В ґрекокатолицькій церькви на Словакії є в першый день Штиридцятніці і Великой пятниці  строгый піст, то значіть стримати ся од мяса, молока і яєць. В середу і пятніцю в часі Штиридцятніці ся стримує  од мяса, їдять ся їдла без мяса. (TASR, Pkf)