Почас вікенду 25-го і 26-го авґуста проходив архієпархіалный одпуст з нагоды праздника Успенія Пресвятой Богородіці в селі Чірч. Духовный проґрам завершыв ся недільнов торжественнов архієрейсков літурґійов, котру одслужыв владыка Петро Руснак, апостольскый адміністратор Пряшівской архієпархії і братіславскый єпарха. Віруючі, котры ся зышли в неділю у великій кількости, на одпусті дяковали і за нову драгу на Маріяньску гору. Драгу в тот день святочно одкрыв председа Пряшівского самосправного краю Мілан Маєрьскый і поблагословив єй кір Петро.

(Медвідь, ISPA)