x

Троє Словакы были оціненыма америцькым послом на Словакії

00

З нагоды семого рока присвоїня оцініня в області людьскых прав америцькый посол на Словакії Адам Стерлінґ присудив вчера оцініня трьом Словакам, котры в минулім року проявили одданість в просаджовані людьскых прав і транспарентности в Країні. Оціненыма были інвестіґатівный новинарь Ян Куцяк, котрый здобыв Ціну за транспарентність ін меморіям за свої репортажі о корупції, евангельскый теолоґ Ондрей Простреднік, котрый здобыв Ціну обгайцю людьскых прав і Маріяна Ковачова, основателька і директорка Центра Сонечко, котра здобыла ціну в катеґорії Одважны жены за єй підпорны і защітны службы жертвам домашнього насиля і сехуалного злоужываня.
(TASR)