На обнові Зборівского граду робить 23 людей. Іде о людей, котры были передтым незаместнаны. Село Зборів здобыло од міністерства културы в рамках народного проєкту Люде і грады фінанції нато, жебы їх заместнало. Подля старосты села Яна Шуркалу на градї не роблять лем Ромове, але і люде з маёріты. ,, Роблять різны роботы од археолоґії, через мурованя аж по то, же теперь ся робить стрїха на єднім обєктї, чіже є то шырокый діапазон актівіт, котры ся там будуть одбывати до конця октобра. Маме надїю, же в далшім  періодї за то буде даяка награда. Увидиме, як скоро набігнуть новы еврофонды, жебы далша сезона ішла скоріше,” увів про TASR  Шуркала з тым, же актуално проходять роботы на такзваній модрій півницї, котра была дотеперь лем провізорно перестрїшена. Здружіня на захрану Зборівского граду рїшыть подля ёго слов оператіву а село ся намагать забезпечовати фінанції. Зганяють їх з многых жрідел.

(TASR, Шутіова)