В парламенті буде знова проба о одкликаня ій председу Андрея Данка. Опозіція передала в понедільок пропозіцію на скликаня выняткового засіданя, на котрім будуть депутаты хотіти высловити недовіру Данкови про кавзу його ріґорозной роботы. Шеф парламенту має засіданя скликати до семох днів. За словами його говорцю Томаша Костелніка так Андрей Данко зробить в середу. „Председа Народной рады є друга найвысша конштітучна функція. Сам єм быв пару років тому у тій функції і знам посудити, яку важность має тота функція в загранічу, головно в Европскій унії, і то, же Андрей Данко выкрадать чуджі тексты, же ся хвалить тітулом, котрый му зъявно не належыть, є в цівілізованім світі велика ганьба,“ повів председа SaS Ріхард Сулик. Опозічны депутаты хотіли Данка із функції одкликати уж на зачатку новембра. Проґрам засіданя втогды не схвалила достаточна кількость депутатів. Теперь бы мала быти сітуація інша, кедьже сам Данко повів, же тому не буде боронити.
(Медвідь, TASR)