Арменія і Азербайджан публіковали в понедільок текст мірного договору, котрого посередником были Споєны штаты Америкы. Договором обовязаують ся тоты державы решпектовати взаємну теротіріалну цілость, і офіціално закінчіти веце як три декады тырваючій конфлікт, інформує аґентура Reuters. Договор підписали в пятніцю в Білім домі армяньскый премєр Нікол Пашінъян і азербайджаньскый презідент Ілгам Алієв. Подля Пашінъяна тот договор є певным фунадаментом на створіня тырвалого міру, резултатом договору меджі Арменійов і Азербайджаном, котрый оддзеркалює выважены інтересы обидвох країн. Мірный договор привітали представителі Североатлантічной аліанції, Европской унії, шеф брітаньской діпломації Дейвід Ламмі ці іраньске Міністерство загранічных діл.

(Медвідь, TASR)