Пряшівскый самосправный край має амбіцію зреконштруовати обєкт Дому на півдразі в Калинові, котрый служыть людям в непрязній соціалній сітуації. Проєкт його модернізації принесе звекшіня якости додаваных служеб в заряджіню, але і розшыріня його капаціты. По новім бы мав додавати службу крізовой інтервенції аж про 12 кліентів. Проєкт за 1,2 міліона евр, як і жадость о здобытя фінанчной дотації з Проґраму Словакія схвалили крайскы посланці на юновім засіданю. Пряшівскый самосправный край як зряджователь того крізового заряджіня го планує комплексно зреконштруовати, рахує ся із ставебныма роботами як в інтерьєрі, так і в екстерьєрі.

(Медвідь, ПСК)