Пряшівскый самосправованый край (ПСК) зачав з номінаціями на найвысше крайске оцiнiня Ціна ПСК 2025. Пропозиції лавреатів, котры мають заслугу о розвой реґіону дома ці в загранічу, може подати і шырока публіка, і то до 13-го септембра, інформовав о тім Уряд ПСК. Крайска самосправа по 21-ый раз оцiнить особности і колективы, котры ся заслужыли о довгорічный вынятковый вклад про розвой краю, як і тых, котры мають вынятковы заслугы у вшыткых областях сполоченьского, господарьского ці културного жывота. О лавреатах Ціны ПСК вынесуть рішіня крайскы посланцi на основі рекомандації Комісії про удільованя публічных оцiнінь ПСК. О Цінi председы ПСК вырішыть председа края. Славностный галапроґрам ся уж традічно одбуде кінцьом рока в децембрi. Ближшы інформації і потребны гаркы к номінованю на оцiніня суть доступны на інтернетовім сайті ПСК. Джерело фотоґрафії: ПСК/Faceobook. (ПСК, Пкф)