Румуньскый премєр Марчел Чіолаку оголосив у понедільок свою резіґнацію. Сполочный кандідат владной коаліції в недільняйшім першім колі презідентьскых волеб скінчів аж на третім місці і не поступив до другого кола. Чіолаку уточнив, же його Соціалнодемократічна партія по волебнім неуспіху выступить із проевропской владной коаліції. Міністры з той партії бы мали дочасно зістати в кабінеті, покля ся по другім колі презідентьскых волеб не выкреує нова парламентна векшына. Коалічный кандідат Крін Антонеску в першім колі повторяных презідентьскых волеб в неділю скінчів аж на третім місці. Тісно перебігнув го непартійный староста Бухаресті Нікушор Дан, на першім місці з ясным наскоком є крайньо правіцьовый евроскептічный політік Джордже Сіміон.

(Медвідь, TASR)