О вступі Україны до Европской унії не вырішыть україньскый презідент Володимір Зеленьскый, але жытелі Мадярьска. В понедільок то в місті Печ повів мадярьскый міністер загранічных діл Петер Сійярто в повязаню з высловами Зеленьского, же векшына Мадярів вступ Україны до Унії підтримує. Подля міністра вступ Україны підтримує опозічна партія TISZA, бо є членом той „найвеце проукраїньской партійной родины в Европі – Европской людовой партії“. Сійярто твердить, же Унія хоче ускорити приступовый процес Україны, што бы подля нього значіло, же „десяткы тісяч ці аж стотісячі україньскых робітників залліють мадярьскый робочій рынок, покля україньска мафія бы могла Мадярьско схосновати як вступну брану“ до Европы. Міністер повів, же Мадяры тому можуть заборонити в референдумі, котрый Будапешт рихтує.

(Медвідь, TASR)