Ізраель зінтезівнив свою офензіфу в Пасмі Ґазы, намірену проти палестіньскому войновому руху Гамас. Тото рішіня было єдномыселно прияте на недільнім засіданю безпечностного кабінету премєра, інформує інтернетовый сайт Таймс оф Ізраель (ТОІ), одкликаваючій ся на ізраїльского представителя. Цільом зінтезівніня офензівы є звекшыти тиск на Гамас, обы пустив дальшых арештованых, котрых арештовав 7-го октобра 2023-го року при впаджіню на теріторію Ізраїля. Очікує ся, же тот план буде реалізованый аж по навщіві америцького презідента Доналда Трампа в реґіоні на будучій тыждень. До того часу буде ся розвивати зусиля на досягнутя договору з Гамасом о примірю і договорі о арештованых, увели подля ТОІ ізраїльскы медія. (TASR, Pkf)