Покля прийде до Німецька каждый рік барз вельо міґрантів, можуть настати „сполоченьскы і політічны проблемы“, остерігав німецькый міністер внутрішніх справ Горст Сеегофер, котрый думать, же новы крокы проти нелеґалной міґрації суть потрібны. Подля міністра ся вказує, же чісла міґрантів знова значно роснуть, головно на балканьскій трасі. Сеегофер хоче о тім бісідовати зо свойов фракційов – Хрістіаньскосоціалнов унійов, жебы то, за його словами, не набыло великы розміры. Німецькый міністер, котрый по септембровых парламентных вольбах планує одыйти з політічного жывота, говорить, же тема міґрації буде актуална і по тім, што одыйде зо свого уряду. Сам є спокійный з выслідками міґрачной політікы сучасного кабінету, но рахує з новыма проблемами.

(Медвідь, TASR)