Презідент СР Петер Пеллеґріні собі выжадав од Міністерства загранічных діл і европскых справ СР аналізу документів повязаных із запрошіньом Словакії на приєднаня ся до Рады міру. Пеллеґріні звернув увагу, же покля бы Словакія роздумовала о приєднаню ся до той ініціатівы, мусять мати їй представителі ку діспозіції комплетны і точны інформації. Шеф словацькой діпломації Юрай Бланар в суботу інформовав, же Словакія дістала запрошіня приєднати ся до Рады міру америцького презідента Доналда Трампа. Міністерство за його словами пропозіцію переоцінює, бо мусить посудити діла повязаны із внутрішньодержавнов леґіслатівов і меджінародныма обовязками.

(Медвідь, TASR)