Російске міністерство заграничных справ одмітло выдати віза 30-ьом учітелям анґло-америцькой школы в Москві, де штудують діти діпломатів і манажерів із 60-ьох країн. Справу о тім опубліковав денник The New York Times, котрый ся одкликав на інформації од веджіня даной інштитуції. За словами робітничкы амбасады США в Москві Гадер Бірнесовой, котра є і членков рады родичів московской анґло-америцькой школы, Вашінґтон думать собі, же Росія хоче такым способом розгорнути тиск на владу Споєных штатів. Додала, же США ся теперь намагають пересвідчити Кремель, абы „незатяговали учнів до політичных конфліктів з америцьков владов“. Бірнесова далей увела, же неуділіня віз учітелям „буде мати знищуючі наслідкы“, протоже то школі знеможнить наяти собі высоко кваліфікованый меджінародный персонал.  (TASR, Пкф)