Британьскый краль Карол III. в середу в часі гостины на Віндзорскім замку на почесть америцького презідента Доналда Трампа, котрый пришов на історічну другу штатну навщіву Споєного кральовства, оцiнив „особне рiшіня“ Трампа о досягнутя міра. Інформує о тім аґентура AFP і станіця BBC. Америцькый презідент означів свою навщіву Споєного кральовства за „єдну з найвекшых почливостей“ і оддав честь трансатлантичному одношіню. Шефа Білого дому чекало приятя з повныма воєньскыма почестями, подля британьскых представників найвекша така церемонія про штатну навщіву, на яку ся в країні памятають, причім на ній брало участь 1300 членів британьской армады. (TASR, Пкф)