Чеська коаліція SPOLU зачала вчера такзвану горячу фазу  кампанї перед вольбами. На помпезній акції в Словацькім домі в центрі Прагы премєр Petr Fiala вызвав воличів, жебы дали шанцу коаліції SPOLU і не „популiстам і екстремiстам“. SPOLU мать, подля нього, шанцу поразiти рух ANO і зоставити владу, інформує TASR з одволаньом ся на портал Novinky.cz і iDNES.cz. „Владу буде вытворювати переможец выбoрів. А коаліція SPOLU є теперь єдина прозападна демократічна вольба, котра мать шанцу конкуровати руху ANO. Кідь ся голосы роздроблять, владу буде зоставлюти (председа ANO) Andrej Babiš,“ повів Фіала. До волеб оставать 15 днів, котры можуть рiшыти о тім, ці Чеська република остане в ґрупі незалежных, просперуючіх країн, увів Fiala перед коло 200 людьми, міджі котрыма были і далшы шпічкы коаліції SPOLU. (TASR, Пкф)