Молдавскы уряды в понедільок зробили 250 разій і затримали 74 особ, котры мали подля урядів плановати выкликованя „масовых непокоїв“ і дестабілізовати країну з підпоров Росії. Приходить  то перед парламентныма вольбами в Молдавії, і презідентка Маіа Сандуова обвинює Росію із засягованя до волеб, інформує аґентура Reuters. Разії заміряли ся на веце як 100 людей, і проходили на веце місцях в цілій країні, приближыла поліція. Затримали 74 особ, котры зістануть в арешті 72 годин. Молдавска поліція твердить, же сприсіганя „коордіновала Російска федерація посередництвом кріміналных елементів“. Векшына підозрілых „сістематічно подорожыла“ до Сербії, де абсолвовали выцвік. Ішло о особы у віці од 19 до 45 років. В Молдавії будуть проходити парламентны вольбы в неділю. Росія засягованя до внутрішніх діл Молдавії дементовала.

(Медвідь, TASR)