x

Чехія уможнить одстрїл проблемовых вовків

00

Чеське міністерство жывотного окружіня і міністерство землегосподарьства уможнять одстрїл небезпечных вовків. У четверь то увів міністер жывотного окружіня Петыр Гладік. Вовк є в Чехії законом храненый. Інформує справодкайкыня TASR в Празї. ,,Вовк до чеськой країны належить. Приношать рівновагу, затоже реґулує перемножену звірину, котра робить шкоды землегосподарїм і лїсникім. Мусиме быти але приготовлены на крізовы сітуації,“ высвітлив Гладік. Довєдна з резортом землегосподарьства представили поготовостный план, котрый ся занимать припадами, кедь ся вовк справує проблематічно а представлять різіко.

(TASR, Шутіова)