Україна, Польща і Літва вызвали в понедільок западны країны, жебы запровадили проти Росії веце санкцій в повязаню з громаджіньом російскых войск коло україньскых граніць, інформовала аґентура AFP. Польскый презідент Анджей Дуда вєдно із своїм літовскым колеґом Ґітанасом Науседом в понедільок на знак підпоры навщівили Україну, де в місті Гута стрітили ся з україньскым презідентом Володиміром Зеленьскым. В сполочній декларації, котру презіденты на стрічі підписали, вызвали на „посилніня санкцій проти Росії з причіны ій тырвалой аґресії односно Україны“.

(Медвідь, TASR)