Комплекс будов Пряшівской універзіты з плохов веце як 24.000 квадратных метрів проходить по штирёх десятьрочах великов реконштрукціёв. Як про TASR повів проректор про стратеґію і маркетінґ Пряшівской універзіты Петер Адамішін, іде дотеперь о найвекшу єдноразову інвестіцію в історії універзіты. Десять міліонів евр походить з плану обновы, далшы фінанції інвестує і сама універзіта. Обнова універзітного ареалу загорнять выміну первісного глінїкового плаштя за нову фасаду, модернізацію выкуровачой сістемы і вздухотехнікы, як і затеплїня. На стрїхах будов прибудуть фотоволтічны панелы, котры прыспіють ку понижаню енерґетічной нарочности. Частёв обновы є і іншталація новых вытягів. Універзіта од великой реконштрукції очекує понижаня енерґетічной нарочности аж о 60 процент.  Реконштрукчны роботы бы мали быти закончены на ярь 2026 рока.

(TASR, Шутіова)