x

Україньскы аґенты затримали достойника в залозї, котрый робив про ФСБ

00

Беспечностна служба Україны (SBU) затримала в приставнім містї Маріупол 58- рочного достойника україньскых озбореных сил в залозї, котрый ся удайно дав наверьбовати російсков тайнов службов FSB. Інформовав о тім справодайскый портал денника Новая ґазета.  Віячеслава Левченка затримали аґенты SBU в моментї, кедь переберав матеріалы о выробных і сервісных дїялностях тайной службы, уводить ся в пресовій справі Беспечностной службы Україны. Окрем того є Левченко підозрилый і з приправы вражды достойників SBU і з намагы о набор заместнанцїв, пише ся у выголошіню. Подля SBU Левченко передав FSB і інформації о ходї україньской воєньской технікы в Донецкій области.

(TASR, Шутіова)