Зволеному презідентови СР Петрови Пеллеґріні заникнув мандат посланця Народной рады СР. Скінчів і на посаді председы парламенту. Выконованьом своїх прав повірив од неділі підпредседу парламенту і свого партяйного колеґу Петра Жіґу. Пеллеґріні ся в понедільок почас бріфінґу оправдав за то, же собі такой не усвідомив установліня Конштітуції СР. Жіґа буде рядити парламент аж до зволіня нового председы. О терміні і процесі вольбы буде ся іщі бісідовати в коаліції. Конштітуція СР говорить, же покля за презідента буде зволеный посланець Народной рады СР, член влады СР, судця, прокуратор, член озброєных сил або озброєного корпусу, председа і підпредседа Найвысшого контрольного уряду СР, од дня зволіня перестане выконовати свою дотеперішню функцію. Пеллеґріні зрече ся і посады председы партії Hlas-SD а членства в партії.

(Медвідь, TASR)