x

В Пряшові ся одбуде стріча експертів з Евроазійской економічной комісії

00

Завтра в гісторічній салі ПКО Чорный Орол в Пряшові ся зо зачатком о 9.30 годині одбуде конференція з назвом Обходованя на торгах Евроазійской економіцкой унії. Експерты з евроазійской комісії будуть окрім іншого роковати о актуалній сполупраці меджі державами Европской унії і Евроазійсков господарсков унійов, о перспективах вытворіня сполочного економічного простору, можностях выміны інформацій, сполупраці в області строярского і спрацовательского промыслу, роботікы, автоматізації выробы і іновації. Орґанізатормі конференції суть Посольство Россійской федерації в Словацькій републиці, Посольство Арменії в Ческій републиці, Посольство Білороссії в Словацькій републиці, Посольство Казахстану в Словацькій і Ческій републикі в сполупраці с партнерами проєкту – Пряшівсков реґіоналнов коморов Словацькой обходной і промысловой коморы, Пряшівського самосаправного краю і містом Пряшів.
(Петро Кімак-Фейко)