x

Музей в Гуменнім ходить обзерати веце людей

00

Вігорлатьскый музей в Гуменнім, котрый є в історічнім обєкті ренесанчного замку і його частьов є і експозіція народной архітектуры і бываня, навщівило од зачатку рока до кінця октобра майже 30 тісяч домашніх і загранічных турістів. Музей очекує векшу навщівность в порівнаню з минулым роком, кідьже многы події в нім до кінця рока іщі проходять. Тогорічну турістічну сезому беруть за успішну. Найвеце навщівників там зазначіли од мая до октобра, было їх приблизно 26 тісяч. Лем почас 6-ох місяців зазначіли в обидвох експозіціях о майже 2000 навщівників веце як почас цілого минувшого рока. „В рамках літньой сезоны досягли найвекшу навщівность вакаційны місяці, почас котрых музей переконав минулорічный рекорд 8500 людей о майже три тісячі,“ повіла по словацькый денник Korzár Яна Федічова із Вігорлатьского музею.
(Петро Медбідь)