x

Тестованя малых школярів вызерать успішно

00

Maтерьска школа на Уліці ґен. Свободы у Свіднику є єднов із 30 выбраных школ цілой Словакії, котры были залучены до пілотного проєкту міністерства школства заміряного нa тестованя іноватівных форм меншыновой освіты. Проєкт під назвов IKATIKA проходить од септембра дo децембра 2017-го року. Його іновація спочівать в перепоїню освітніх матеріалів з інтерактівным діґіталным учівом, котре є спрацоване в словацькім, aлe і в материньскім языку русиньской народностной меншыны. Як інформує Анна Куречкова, директорка МШ, у свідницькій матерьскій школі го тестують при навчаню русиньского языка, в рамках добровольного кружку з найстаршов віковов ґрупов дітей од 5 до 6 років. Додеперішні скусености суть подля єй слов барз добры.
(Петро Кімак-Фейко)