Вышня комора брітаньского парламенту в понедільковім голосованю схвалила додаток до закона о брексіті, котрый парламенту уможнює заблоковати або одложыти фіналный договор о выступліню Великобрітанії із Европской унії. Про премєрку Терезу Мейову то значіть далшу прогру, пише аґентура Reuters. Членове Сеймовні лордів, в котрій владны конзерватівци не мають векшыну, голосовали так, же 335 было за додаток і 224 голосів проти. Документ, котрый уможнює парламенту вернути Великобрітанію назад за їдначій стіл з Бруселом або докінця позаставити процес брекстіу, іщі може переголосовати нижня комора. В тій має премєрка тісну векшыну. Перед двома тыжднями Лорды схвалили додаток, котрый зохаблять Великобрітанії можливость, жебы по брексіті зістала в єднотній цолній унії, чім так само выразили, же не суть согласны з адміністратівов премєркы.
(TASR)