Презідентка СР Зузана Чапутова напрік неплатности суботняйшого (21-го януара) референдума поважує позераючі на актуалну внутрополітичну крізу за безодкладне, абы посланці што найскоріше прияли зміну уставы о предчасных вольбах в парламенті. Пресаґентуру TASR о тім інформував говорця презіденткы Мартін Стріженец. Штатна волебна комісія потвердила неплатность суботняйшого референдума о зміні Уставы СР. Брало участь на нім 27,25 процента воличів. На платность референдума є потрібна веце як 50-процентна участь. Девяте референдум в історії незалежньой СР ініціовав Smer-SD з дальшыма опозичныма партіями. (TASR, Pkf)