Презідентка Молдавії Мая Сандуова прийде у четверь 26. марца на навщіву Словакії. Піде о історічно першу офіціалну білатералну навщіву молдавской головы штату у нас. В Презідентьскім палацу в Братїславі ю привітать презідент СР Петер Пеллеґріні. TASR о тім інформовав одбор комунікації Канцеларії презідента СР. ,,Найвысшы представітелї обидвох держав будуть довєдна говорити головно о розвитку економічных одношінь меджі державами. Молдавія є штат, котрый мать асі 2,5 міліона жытелїв а орєнтує ся переважно на землегосподарьскый і потравинарьскый промысел,” приближыв одбор комунікації. Презіденты ся стрїтять в Братїславі і зо заступцями з бізніс середовища на Словацько-молдавскім подникательскім форі. ,,Молдавія є держава, котра мать потенціал в традічныx і іноватівных областях і представлює про СР можности подїляти ся на їх розвитку,” додав одбор. Протягом навщівы ся в Презідентьскім палацу одбуде і підпис меджінародного контракту.  

(TASR, Шутіова)